“စက်တင်ဘာ....သုညခွန်... “

“စက်တင်ဘာ....သုညခွန်... “

ဒါဟာချောက်ချားကြောက်လန့်အောင်

ဇာတ်လမ်းဇာတ်ကွက်ဆင်ထားတဲ့.. ပုံပြင်တစ်ခုမဟုတ်ဘူး..၊

အမှန်တကယ်ဖြစ်ခဲ့ပျက်ခဲ့တယ်....။

အမှန်တကယ့်ကိုဖြစ်ခဲ့ပျက်ခဲ့တယ်...။

ကြားဖူးနားဝထဲမှာ.....၊

သင်အံဖူးသမျှထဲမှာ....

ဖြတ်သန်းလာခဲ့သမျှထဲမှာ..၊

ဒီစာမျက်နှာက...သွေးနံ့တွေက အညှီဆုံးပေါ့...။

သူတို့ဟာ..လူတွေကို လက်ယဉ်ယဉ်နဲ့သတ်နိုင်ဖို့..

စနစ်တကျလေကျင့်သင်အံခဲ့ကြတာ...။

သူတို့ဟာ..သူတို့အလိုရမ္မက်အတွက်..

ကိုယ့်သမိုင်းကို..တံတွေးနဲ့ရေးရဲတာ....။

သူတို့ဟာ..သူတို့ရောက်နေရာအရပ်ဟာ

ချိုင့်ဝှမ်းမှန်း..တောင်တန်းမှန်းမသိအောင်...

အတ္တတွေပိန်းပိတ်နေခဲ့တာ...။

သူတို့ဟာ

လက်တစ်လုံးခြားလှည့်စာတတ်သလိုမျိုး..

ပြောင်လိမ်ဖို့လည်းဝန်မလေးကြဘူး..။ သူတို့ဟာ...

အံ့သြစရာကောင်းလောက်အောင်...

အနှစ်နှစ်ဆယ်လုံးလုံးလုပ်ဇာတ်ကနိုင်ခဲ့...။

သားသတ်မုဆိုးတွေရဲ့ရက်စက်မှုလား....၊

အမဲလိုက်ခွေးတွေရဲ့စိတ်ဆာလောင်မှုလား..၊

အရိုးရှင်းဆုံးမေတ္တာတံတားတွေပေါ်မှာ ..

စစ်ဖိနပ်သံတွေပြင်းထန်သွားခဲ့ပြီ..။

ဆရာတော်ဦးဥတ္တမဟာ..

မျက်ရည်ယိုဗုံးပိန်းပိတ်နေတဲ့ကြားက...

ဦးခေါင်းကို နံပါတ်တုတ်နဲ့အရိုက်မခံခဲ့ရဘူး..။

ဘုရားသားရဲ့သွေးစိမ်းရှင်ရှင်တွေ..

ဘုရားရဲ့မြေမှာ..

မစွန်းပေခဲ့ရဘူး...။

ဆရာတော်ဦးဝိစာရဟာ...

သေနတ်သံတွေအကြားမှာ...

သင်္ဃန်းတဖားဖားနဲ့မပြေးခဲ့ရဘူး..။

လက်ပြန်ကြိုးတုတ်ပြီး..

သေနတ်ဒင်နဲ့အဆောင့်မခံခဲ့ရဘူး...၊

ဘယ်သူ့လက်ချက်မှန်းမသိဘဲ..

ရေထဲမှာအလောင်းအမျှောမခံခဲ့ရဘူး...။ ဒါဟာ...

ဘာသာမတူ..

လူမျိုးမတူသူတွေရဲ့လက်အောက်..

ကျွန်သဘောက်ဖြစ်နေတုန်းကပေါ့....၊

ဒါတွေဟာ..

မြန်မာ့သမိုင်းထဲက...

ရဟန်းအာဇာနည်တွေပေါ့.....။

ဒါတွေလည်းအမှန်တကယ်ဖြစ်ခဲ့ပျက်ခဲ့တယ်....။

အရိုးသားဆုံးဓမ္မရှင်တွေဟာ...၊

ဘာအလိုရမ္မက်မှမပါပဲ...၊

ဆန္ဒကိုဆန္ဒအတိုင်း ရိုးရိုးသားသား ဖေါ်ထုတ်ခဲ့ကြတာ....၊

အမွန်မြတ်ဆုံးမေတ္တာဓါတ်တွေဟာ...၊

ဘယ်လိုကိုယ်ကျိုးဖက်မှုမှမပါပဲ...၊

သူတို့စွမ်းဆောင်နိုင်သမျှ..

သူတို့ကယ်တင်ခဲ့ကြတာ......။

အခု...............။

မေတ္တာသုတ်ရွတ်သံကိုယမ်းခိုးတွေနဲ့မှိုင်းတိုက်လို့...၊

ရွှေဝါရောင်သင်္ကန်းတွေကို သွေးရောင်လျှမ်းစေခဲ့ကြ...၊

အပြစ်မဲ့ပြည်သူတွေကို..

အမဲကောင်လိုသဘောထားပြီး..

ရွှေတိဂုံရင်ပြင်ကို..

လူသတ်ကုန်းလို သဘောထားရဲကြ...၊

ဒါတွေလည်းအမှန်တကယ်ဖြစ်ခဲ့ပျက်ခဲ့တယ်....။

အခြေအနေအားလုံးကို မျက်လှည့်ပြလိုက်သလိုမျိုး

တိတိကျကျပြောင်းပြန်လှန်ပစ်နိုင်တဲ့...

တစ်ဖက်ကမ်းခတ်ကလိန်ဥာဏ်များကလည်း..

လက်ဖျားခါချင်စရာ...၊

မီဒီယာနည်းနာကိုမီးကုန်ယမ်းကုန်အသုံးချတတ်ပုံကလည်းသြချစရာ....။

သူတို့ဟာ.....

ဟစ်တလာလိုကြီးကြီးကျယ်ကျယ်လိမ်ပြီး...၊

နရသူမင်းလို..

အာဏာကို ဘာသာနဲ့လည်းလဲရဲတယ်...။

ကြည့်ကြ........။

ပါးစပ်ကဘုရားဘုရားဆိုသမျှ....

ကို့ယို့ကားယားနိုင်လွန်းလှတဲ့လက်တွေလေ......၊

ဝါတိုသင်္ဃန်းတွေကပ်ပြဖူးတဲ့လက်...၊

ကထိန်သင်္ကန်းတွေကပ်ပြဘူးတဲ့လက်...၊

ဘုရားထီးတော်တွေကို..

မတန်တရာ တင်ပြဘူးတဲ့လက်....၊

အဲဒီ့လက်တွေမှာ........

ဘယ်သံသရာ ရောက်ရောက်ဖျက်လို့မရတဲ့... ......

"သွေးတွေနဲ့"။ ။

စက်တင်ဘာသွေး